“രണ്ടുപേരെയും ഇഷ്ടമാണ് പക്ഷെ ഇതല്പം കടുപ്പമായിപ്പോയി” Dr സൗമ്യ സരിൻ

വിരാട് കോഹ്ലിയും അനുഷ്ക ശർമയും പ്രേക്ഷക പ്രീതി ആവോളമുള്ള താരദമ്പതികൾ ആണ്. അതു കൊണ്ടുതന്നെ പങ്കുവെച്ച് നിമിഷങ്ങൾക്കകം തന്നെ ഫോട്ടോകളും വീഡിയോകളും വിശേഷങ്ങളും സമൂഹ മാധ്യമങ്ങളിൽ തരംഗമായി പ്രതികരിക്കാറുണ്ട്. അനുഷ്ക ശർമ ഗർഭിണിയായതിൽ പിന്നെ ഒരുപാട് കിടിലൻ ഫോട്ടോസുകൾ നടത്തിയതായി പുറത്ത് വന്നിട്ടുണ്ട്.

കഴിഞ്ഞദിവസം അനുഷ്ക ശർമ ഏഴാം മാസം ഗർഭിണി ആയിരിക്കും ചെയ്താൽ യോഗയുടെ അഭ്യാസമുറ ആയ ശീർഷാസനത്തിന്റെ ഫോട്ടോയാണ് തരംഗമായി പ്രചരിച്ചിരുന്നത്. വളരെ പെട്ടെന്ന് തന്നെ പ്രേക്ഷകർ ആ ചിത്രത്തെ ഏറ്റെടുക്കുകയും വളരെ മികച്ച പ്രതികരണങ്ങൾ അതിനുതാഴെ ലഭിക്കുകയും ചെയ്തിരുന്നു.

എന്നാൽ വിരാട് കോഹ്ലി അനുഷ്ക താര ദമ്പതികളുടെ ഒരു ആരാധികയും ഡോക്ടറുമായ സൗമ്യ സരിൻ അതിനെതിരെയാണ് പ്രതികരിച്ചിരിക്കുന്നത്. അറിയാവുന്ന ഗൈനക്കോളജിസ്റ്റുകളോട് എല്ലാം ചോദിച്ചപ്പോൾ ഗർഭകാലത്ത് ഇത്തരം ബുദ്ധിമുട്ടുള്ള യോഗ അഭ്യാസമുറകൾ ചെയ്യാറില്ല എന്നാണ് അറിഞ്ഞത് എന്നും ഡോക്ടർ കുറിപ്പിൽ പങ്കുവെക്കുന്നുണ്ട്

ഡോ സൗമ്യ സരിന്റെ ഫേസ്ബുക്ക് പോസ്റ്റിന്റെ പൂർണരൂപം ഇങ്ങനെ :

എനിക്കും കൊഹ്‍ലിയെയും അനുഷ്കയെയും വളരെ ഇഷ്ടമാണ്. പ്രത്യേകിച്ചും പരസ്പരം ബഹുമാനിക്കുന്ന ദമ്പതികൾ എന്ന നിലക്ക്!

പക്ഷെ ഇത് കുറച്ചു കടുപ്പമായിപ്പോയി! പറയാതെ വയ്യ! കാരണം അന്ധമായ ആരാധന ഇതുവരെ ഉണ്ടായിട്ടില്ല ആരോടും! അതുകൊണ്ട് തന്നെ കാട്ടുന്ന എല്ലാ കോപ്രായങ്ങളും തൊണ്ട തൊടാതെ വിഴുങ്ങാനും ഉദ്ദേശമില്ല. പക്ഷെ അങ്ങിനെ ആയിരിക്കണമെന്നില്ല അവരുടെ എല്ലാ ആരാധകരും! ചിലർ ഇവർ ചെയ്യുന്ന കാര്യങ്ങളെ അന്ധമായ അനുകരിച്ചേക്കാം..അതുകൊണ്ട് തന്നെ ഇത്തരം കാര്യങ്ങൾ പോസ്റ്റ് ചെയ്യുമ്പോൾ കുറച്ചുകൂടി പക്വത കാണിക്കാമായിരുന്നു.

ഇതിനെ കുറിച്ച് അറിയാവുന്ന ഗൈനെക്കോളജിസ്റ്റുമാരോടൊക്കെ ചോദിച്ചു നോക്കി. ആരും ഇത്തരത്തിലുള്ള വ്യായാമമുറകൾ ഗർഭകാലത് ഉപദേശിക്കുന്നില്ല. അതിനർത്ഥം ഗർഭിണികൾ വ്യായാമം ചെയ്യരുതെന്നല്ല. ചെയ്യണം, വളരെ നല്ലത് തന്നെയാണ്. പക്ഷെ ഇത്തരം സർക്കസുകളല്ല, മറിച്ചു സുഖപ്രസവത്തിനു സഹായകമാകുന്ന തരത്തിൽ പെൽവിക് ഫ്ലോർ മസിലുകളെ ബലപ്പെടുത്തുന്ന, പ്രസവസമയത് അത് നല്ലവണ്ണം റിലാക്സ് ചെയ്യുന്നതിനുമായി പ്രത്യേക വ്യായാമങ്ങളാണ് ചെയ്യേണ്ടത്. യോഗയും ആകാം. ധ്യാനമൊക്കെ ചെയ്യുന്നത് മനസ്സിന് സന്തോഷവും സമാധാനവുമൊക്കെ തരും. അതെല്ലാം ഒരു ഗർഭിണികൾ ആവശ്യമാണ് താനും!

പക്ഷെ ഇവർ ചെയ്യുന്ന തരം വ്യായാമങ്ങൾ ചെയ്താൽ ചിലപ്പോൾ കഴുത്തിലെ കശേരുക്കൾ പൊട്ടി സുഷുമ്നാനാഡിക്ക് ക്ഷതം സംഭവിക്കാനും ജീവിതം ഒരു വീൽ ചെയറിൽ ആകാനും വരെയുള്ള അപകടസാധ്യതകളുമുണ്ട്. കുഞ്ഞിന് സംഭവിക്കാവുന്ന അപകടങ്ങൾ വേറെയും!

സെലിബ്രിറ്റികളുടെ ജീവിതം കാമെറകൾക്ക് മുന്നിലാണ്. തുറന്ന പുസ്തകമാണ്. പറയുന്നതും ചെയ്യുന്നതുമെല്ലാം സൂക്ഷിച്ചു വേണം! ചിലപ്പോൾ ഇതെല്ലാം അപ്പടി പകർത്തി ജീവിക്കുന്ന പാവം ആരാധകർക്കായിരിക്കും പല അപകടങ്ങളും സംഭവിക്കുന്നത്. അതൊന്നും പുറംലോകം അറിയുകയുമില്ല.

ഇവരൊക്കെ ചെയ്യുന്നതെല്ലാം ജീവിതത്തിൽ പകർത്തല്ലേ! പണി പാലും വെള്ളത്തിൽ കിട്ടും!

ജാഗ്രതൈ!

ഡോ സൗമ്യ സരിൻ

Be the first to comment

Leave a Reply

Your email address will not be published.


*